Դուք արդեն կատարել եք առաջին քայլը`մեծ էնտուզիազմով և ոգևորվածությամբ սկսել եք Ձեր ինքնուրույն գործը, ունեք որոշակի տեսական գիտելիքներ և վարդագույն երազանգներ: Կարծես թե հունի մեջ է մտել գործունեությունը, պարզված են մի շարք հարաբերություններ: Սպասարկել եք առաջին հաճախորդին, ստանում եք որոշ գումարներ, սակայն աստիճանաբար դժվարանում է ավելացնել հաճախորդների թիվը, ստացված գումարները չեն փախհատուցում ֆիքսված ծախսերը (վարձակալություն, կոմունալ ծախսեր, հարկեր և այլն), չկան մշտական մատակարարներ և հաճախորդներ, զգացվում է տեղեկատվության պակաս, հաճախորդները անցնում են Ձեր կողքով, օգտվում նմանատիպ ծառայությունից կամ գնում նույն ապրանքը, բայց ավելի ցածր որակով և ավելի թանկ գներով:

     Ինչքա˜ն շուտ են գալիս վճարումների օրերը: Մշտապես ունեք կանխիկ գումարների պակաս, քանի որ հաճախորդների մի մասը ուշացումով են վճարում, իսկ մյուս մասը ընդհանրապես հայտնի չէ, թե երբ կվճարի: Կուտակվել են զգալի ստանալիք գումարներ (դեբիտորական պարտքեր), կարիք ունեք կրեդիտորական մատակարարների, սակայն մատակարարները չեն վստահում Ձեզ: Ներդնում եք վերջին խնայողությունները, փորձում եք պարտք վերցնել ծանոթներից, նրանք էլ չունեն կամ չեն տալիս: Փորձում եք դիմել բանկերին վարկ ստանալու համար, վերջիններս էլ հրաժարվում են ֆինանսավորել սկսնակ սկսնակ բիզնեսը: Նայում եք ետ` անվերադարձ կատարվել են շատ ու շատ ծախսեր` գովազդման, տարբեր թղթերի ձևակերպման, գույքի, սարքավորումների, պաշարների և այլնի գնման համար: Փորձում եք կանխատեսել ապագան` անորոշություն է` գուցե եղածն էլ շուտով կփոշիանա և կմնաք դատարկաձեռն: Միգուցե քանի դեռ ուշ չէ և ինչ-որ բան կարելի է վաճառել, փակե՞լ բիզնեսը: Ի՞նչ անել: